Адвокатская палата республики Марий Эл, г.Йошкар-Ола
Адвокат Иванов Владимир Кузьмич

  • Защита на предварительном следствии и в суде по уголовным делам
  • Защита интересов в суде (арбитражном, гражданском, уголовном)
  • Защита прав на интеллектуальную собственность
  • Представление интересов при банкротстве (несостоятельности)
  • Представление интересов в судебных спорах, связанных с объектами недвижимого имущества (земельные участки, дома, квартиры и т.д.)

Адвокат Иванов Владимир Кузьмич

Марий йылме дене возымо сайт
Тиде пунктым ойырме годым, те кертыда сайтым лудаш шочмо мари йылме дене.

Сведения об адвокате
Здесь Вы можете получить подробную информацию об адвокате, располагающемся в г. Йошкар-Оле, узнать о нём как о человеке и специалисте.

Юридическая консультация на Марий Эл Радио.
В разделе приведены ответы адвоката на вопросы слушателей радиостанции “Марий Эл Радио” в 2009-2010 годы.

Консультация юриста (адвоката) в газете"Кугарня"
В разделе представлены статьи, написанные адвокатом для газеты “Кугарня”.

Правовая школа
Это должен знать каждый. Темы для данного раздела сайта и публикаций в молодёжной газете "Кугарня" на марийском языке являются одинаковыми по содержанию и прорабатываются совместно с журналистом газеты Кушаковой Светланой Юрьевной.

Русско-марийский юридический словарь
Множество юридических терминов имеют свой перевод на марийский язык - здесь Вы можете ознакомиться с ними.

Защита прав на интеллектуальную собственность
В разделе освещены вопросы действующего законодательства по защите авторских и смежных прав.

Юридическая помощь адвокатами РМЭ бесплатно
Информация об оказании бесплатных юридических услуг адвокатами в г. Йошкар-Ола.

Что делать, если...
Что необходимо знать гражданину и руководителю при решении проблем, которые могут возникнуть, и как их преодолеть.

Ответы на вопросы посетителей сайта
В данной рубрике приведены ответы на вопросы посетителей сайта, в подготовке которых принимают участие адвокаты коллегии адвокатов "Столица Марий Эл"

Материнский капитал

2007 ий 1 январь гыч «Йочан еш-влаклан ешартыш полыш нерген» Федеральный закон илышыш пурен. Тудо йочан еш-влакын илышыштым куштылемдаш ышталтын. Мо шотышто кугыжаныш полшен кертеш? Ты законлан эҥертен, еш-влак илыме верым саемден, йоча-влак сай шинчымашым налын да, тыгак пенсийышкышт оксам пыштен кертыт. Тидлан федеральный бюджет гыч ешартыш шийвундо ойыралтеш, тудо аван але ешын шийвундыжо (материнский (семейный) капитал маналтеш. Аван (ешын) шийвундыжо - 250 тӱжем теҥге. Тудын кугытшо кажне ийын инфляций кушмо почеш ончалташ тӱҥалеш.

Ты шийвундо шотышто шуко йодыш лектеш, сандене нуным Йошкар-Оласе адвокат-влак коллегийын сотрудникше М.С.Рябинина дене рашемдена.

Аван (ешын) шийвундыжым кӧ налын кертеш?

«Йочан еш-влаклан ешартыш полыш нерген» Федеральный закон почеш, кугыжанышын ешартыш полышыжым йочам ыштыше але икшывым ончаш налше Россий Федерацийын тыгай граждан-влак налын кертыт:

  • 2007 ий 1 январь деч вара кокымшо йочам ыштыше але ашнаш налше ӱдырамаш-влак;
  • 2007 ий 1 январь деч вара кумшо але шукырак икшывым ыштыше але ашнаш налше да ончыч тыгай ешартыш полышым налдыме ӱдырамаш-влак;
  • 2007 ий 1 январь деч вара кокымшо, кумшо да шукырак икшывым ашнаш налме нерген судын пунчалжым кидыште кучышо да ончыч тыгай ешартыш полышым налдыме шкет пӧръеҥ-влак.

Кугыжанышын ешартыш полышыжым налаш права йочам ыштымек але ашнаш налмек пуалтеш, а илышыш тудо кум ий эртымек веле шыҥдаралтеш. Тиде права дене пайдаланаш аван (ешын) шийвундыжлан кугыжаныш сертификатым налман. Россий Федераций Правительствын 2006 ий 30 декабрьыште лукмо «Аван шийвундыжын кугыжаныш сертификатшым пуымо радам» пунчалже почеш тыгай сертификатым налаш праван граждан-влак Россий Федерацийын Пенсионный фондшын территориальный органышкыже кайышаш улыт. Могай документым пелен налман? Йочам ыштыме нерген кагазым азам ыштыме верыште пуат.

Кузе да молан тудым кучылташ лиеш?

Закон почеш, сертификатым налше еҥ-влак шийвундым тӱрыс але ужаш дене тыгай пашалан кучылт кертыт:

  1. илыме верым саемдаш;
  2. йочалан шинчымашым налашыже;
  3. ӱдырамашын паша пенсийжын ешаралт толшо ужашыжым пойдараш.

Аван шийвундыжым пӱтынь ужашыжге лач ик пашалан гына огыл кучылташ пуалтеш. Тудым «Йочан еш-влаклан ешартыш полыш нерген» Федеральный законышто возымо семын тӱрлӧ направлений почеш колташ лиеш.

Кажныжым посна рашрак ончалына.

Икымше, аван шийвундыжын икмыняр ужашыжым пӧртым чоҥаш але пачерым налаш кучылташ лиеш. Тиде сомыл лач федеральный закон-влак ваштареш гына шогышаш огыл.

Кокымшо, аван шийвундын икмыняр ужашыжым йочам туныктымо пашалан колташ лиеш. Закон почеш тыгай тунеммашлан кучылтман:

  1. кугыжаныш але муниципальный образований учрежденийын шинчымаш шотышто полышыжлан тӱлаш;
  2. кугыжаныш огыл, но кугыжаныш аккредитацийым нумалше да кӱлеш лицензийым налше образовательный учрежденийын полышыжлан тӱлаш;
  3. шинчымашым пуышо моло полышлан, тудын переченьжым Россий Федерацийын Правительствыже пеҥгыдемден.

Аван шийвундыжым тӱрыс але ужаш дене шке да ашнаш налме икшывым туныкташ кучылташ лиеш. Могай икшывылан кучылтмо шотышто йодыш лектеш гын, тыште ӱчашымаш лийшаш огыл, шийвундым икымше да моло шочшыланат шеледаш лиеш. Тыгодым икшыве 25 ий деч кугу лийшаш огыл.

Кумшо, аван шийвундыжым налаш праван ӱдырамаш-влак оксам 2001 ий 17 декабрьыште лукмо «Россий Федерацийыште паша пенсий нерген» да 2002 ий 24 июльышто пеҥгыдемдыме «Россий Федерацийыште пенсийыш ешарен толмо ужашыжым пойдарыме шотышто», тыгак 1998 ий 7 майыште лукмо «Кугыжаныш огыл пенсионный фонд» закон-влаклан эҥертен, кажне ийын погынен толшо пенсий ужашыжым пойдарен кертыт.

Декрет ден йочам ыштымылан пособий-влак

2006 ий 29 декабрьыште «Обязательный социальный страхованийлан келшен толшо граждан-влаклан жаплан пашам ыштен кертдымылан, декретный да йочам ыштымылан пособийым тӱлымӧ нерген» Федеральный законым пеҥгыдемдыме. Тудын закон дене келшышын тыгай пособийлан праван граждан-влак обязательный социальный страхований почеш страховатлалтше да Россий Федерацийыште илыше да тудын гражданинже лийшаш улыт.

Эрык деч посна кодшо еҥ-влаклан тыгай пособий РФ Правительствын рашемдыме порядкыж почеш тӱлалтеш.

Декрет оксам страховатлалтше ӱдырамашлан йочам ыштыме жап марте 70, а йыгыр йочам вучымо годым 84 календарный кече кодмо пагытлан тӱрыс пуат, а ужашын-ужашын огыл. Йочам ыштымылан пособийым икшыве шочмек 70 кечым шотлен тӱлат. Йочам нелын ыштыме годым ты тат гыч 86, а кокыт деч шукырак икшывым ыштышылан 110 календарный кечым шотлыман.

Кум тылзаш марте икшывым ашнаш налме годым декрет ден йочам ыштымылан пособийым ашнаш налме кече гыч тӱҥалын 70 календарный кече темме марте шотлен тӱлат. Кокыт але шукырак икшывым ашнаш налме годым 110 календарный кечым шотлат.

™дырамаш йоча дене ик ият пеле шинчыме жапыште угыч йочам вучаш тӱҥалеш гын, декрет окса да йочам ыштымылан пособий кокла гыч иктыжым веле ойырен налаш праван.

Декрет окса ден йочам ыштымылан пособий страховатлалтше ӱдырамашлан кокла пашадарын 100 процентше кугыт тӱлалтыт. Тыгай пособий, шушаш финанс ийлан социальный страхований фондын пеҥгыдемдыме бюджетше нерген федеральный закон дене келшышын, эн кугу пеҥгыдемдыме кугытым эртышаш огыл. Страховатлалтше ӱдырамаш икмыняр вере пашам ышта гын, декрет ден йочам ыштымылан пособийым чыла вережат тӱлышаш улыт, но шийвундо лач пеҥгыдемдыме эн кугу окса кугытым гына эртышаш огыл.

Декрет ден йочам ыштымылан пособийым шотлымо порядке тыгай: страховатлалтше ӱдырамашын 12 тылзе жапыште налме кокла пашадаржым налын шотлат. Тышке чыла тӱлымаш пура. Тыгак Россий Федерацийын социальный страхований фондышкыжо тӱлымӧ единый социальный налогат пура.

Декрет ден йочам ыштымылан пособий куд тылзе жапыште тӱлалтеш. Ты жап деч вараш кодмо гын, пособийлан пашам ыштыме верыш огыл, а Россий Федерацийын социальный страхований фондшын территориальный органышкыже кайыман. Тыгодым пособийым пагалыме амаллан кӧра налдымым шотыш налыт. Тыгай амал-влакым обязательный социальный страхований сферысе кугыжаныш политика ден нормативно-правовой пашам виктарен шогышо кучем рашемда.

Йочам вучымо жапыште ӱдырамаш нигуштат пашам ыштен огыл гын, тыгак страховатлалтше да страховой взносым тӱлен шогышо адвокат, индивидуальный предприниматель, кресаньык-фермер озанлыкын пашаеҥже, индивидуальный предпринимательлан шотлалтдыме еҥ-влак Йӱдвел кундемысе изи чотан еш ден тукым тӱшкан членже-шамыч Россий Федерацийын социальный страхований фондшын территориальный органыштыже тыгай пособийым налыт.

Пособийым паша верышке налаш мийыме годым страховатлалтше ӱдырамаш медицина учрежденийын пуымо да пеҥгыдемдыме форма ден радам почеш серыме больничный листым намийыман, а Россий Федерацийын социальный страхований фондшын территориальный органышкыже кайыме годым пашадар нерген увертарыме кагаз (тудын почеш пособий тӱлалтеш), страховой стажым рашемдыше документ кӱлыт.

Пашам ыштыше ӱдырамашлан декрет ден йочам ыштымылан пособийым работодатель пашадарым пуымо радам почеш тӱлышаш. А Россий Федерацийын социальный страхований фондшын территориальный органыштыже пособийым почто гоч але налше еҥын йодмыж почеш вес организаций гоч налын кертеш.

Пособий-влакым страховатлалтше ӱдырамашын кӱлешан документым ыланат кондымо деч 10 календарный кече жапыште работодатель ден Россий Федерацийын социальный страхований фондшын территориальный органже тӱлышаш улыт.

Страховатлалтше еҥ ты тӱня дене чеверласымыжлан кӧра декретный ден йочам ыштымылан пособийым налын шуктен огыл гын, Россий Федерацийын законжо негызеш тиде окса садак тӱлалтшаш.

Юмо тендам аралыже да шкежат, ньогадат таза лийза!

Лаштыкым Алевтина Васильева ямдылен.

НОВОСТИ:

2016-10-17
Ответы на вопросы, поступившие из судов, по применению Федеральных законов от 3 июля 2016 года № 323-ФЗ - 326-ФЗ, направленных на совершенствование уголовной ответственности
(утв. Президиумом Верховного Суда РФ от 28 сентября 2016 г.)

подробнее...

2015-10-20
Новый кодекс административного судопроизводства в Российской Федерации
Кодекс вступил в силу 15 сентября 2015 года.

подробнее...

2013-03-04
Принят Федеральный закон Российской Федерации от 23 февраля 2013 г. N 15-ФЗ "Об охране здоровья граждан от воздействия окружающего табачного дыма и последствий потребления табака"
Вступает в силу с 1 июня 2013 года

подробнее...

КОНТАКТЫ:

телефон: +7 960 094 34 05
факс:

адрес: 424006, Россия, Республика Марий Эл, ул. Панфилова, 39, офис 312

как проехать...

e-mail: sarze@mail.ru

Вы можете отправить сообщение адвокату и задать вопрос, заполнив форму на сайте.

написать сообщение...

Copyright © Владимир Иванов